VOSS TAIJIQUAN LAG / YIQUAN VOSS

ÅRSMELDINGA 2023

Organisering

Voss Taijiquan Lag er medlem av Norges Idrettsforbund gjennom Norges Kampsportforbund.

Årsmøtet 2023 valde dette styret:

• Kiss Gjersvik (leiar)
• Nils Inge Haaland (kasserar)
• Astri Remme (styremedlem)
• Bodil Aagaard (styremedlem)
• Anna Teigen (styremedlem)
• Sidsel Opheim (kontrollnemnd)

Styret peikar ut valnemnd.

Instruktør, lærar og treningsleiarar

Ivar Vatne er laget sin instruktør.

Kiss Gjersvik og Astri Remme har ansvaret for treningsleiinga i instruktøren sitt fråvere.

Treninga er i hovudsak basert på Ole Eskildsen si undervisning på Voss i perioden 2007-2019.

Trening og oppslutnad

Greinene me trener er I Chuan, Chi Kung og Tai Chi, med ei rekke basis- og tilleggsøvingar.

I 2023 trente den faste gruppa i festsalen på gymnaset som før, i juni var me for det meste ute. I juli tok me pause i treninga, men me starta opp att siste dagen i den månaden. Oppslutnaden om treningane har heile tida vore jamn og god.

Økonomi

I 2023 vart det betalt kr 500 i medlemsavgift. Me viser elles til rekneskapet for 2023.

Informasjon og meldingar

Treningstider og anna informasjon finn ein på laget si webside, innkallingar og påminningar vert send ut i meldingar til dei aktive.

Framtidsutsikter

Laget har som mål å oppretthalda dette treningstilbodet på Voss.

Den faste gruppa har utvikla treninga si gjennom meir enn fjortan år, og dei aktive har fulgt læraren og nå instruktøren sin progresjon i treninga gjennom alle desse åra.

Me er eit lite, men engasjert lag, der alle medlemmene tek ansvar for at me skal kunna halda fram.